Presidentja vendit, Vjosa Osmani është deklaruar sot për seancën e formimit të qeverisë së re të Kosovës.

Osmani deklaroi se seanca do të ftohet me kohë dhe do të respektohen afatet kushtetuese.

Sipas Osmanit, këto janë procese në të cilat s’ka ndërhyrë më parë dhe s’do të ndërhyjë as tani, transmeton lajmi.net.

“Siç e dini ftesa për seancë mund të bëhet edhe si seancë e jashtëzakonshme me 40 nënshkrime të deputetëve, dhe jam e bindur që ajo do të ftohet me kohë qe të respektohen afatet kushtetuese për formimin e qeverisë, kurse në anën tjetër nuk mund të paragjykoj se cili do të jetë rezultati i votimit. Me rëndësi është që seanca të ftohet brenda atij afati, dhe pastaj është në duart e deputetëve dhe partive se çka diskutojnë, këto janë procese në të cilat s’kam ndërhyrë më parë e nuk mund të ndërhyj as tash”, deklaroi Osmani.

Osmani shtoi se ka pasur shpresë që seanca do të ftohet më herët.

“Sa i përket ftesës ka qenë optimizëm i imi, si duket të tjetër nuk e kanë pasur të njëjtin optimizëm. Kam pasur shpresë që do të ftohet më herët, bazuar në bisedat që kemi pasur”, tha ajo.

Ajo shtoi se pritet të shihet se çka do të ndodhë të mërkurën./Lajmi.net/