Ndërkaq, Donika Kadaj-Bujupi tha se “mesazhi është i qartë për qeverinë” se pa tërheqjen e nënshkrimeve ata do të pengojnë punën e kuvendit.

Kadaj-Bujupi ka thënë se kryetari Veseli nuk duhet të thërrasë seancë sepse kështu provokon opozitën./lajmi.net/

Ndërkaq, Glauk Konjufca ka deklaruar se gazi lotsjellës është futur më herët në Kuvend.

____________

Në sallën e Kuvendit të Kosovës, sot janë hedhur dy bomba të gazit lotsjellës.

Gazin lotsjellës e para e ka hedhur shefja e grupit parlamentar të AAK-së, Donika Kadaj-Bujupi nga ulëset e deputetëve.

Ndërsa bombën e dytë të gazit e ka hedhur deputeti i VV-së, Faton Topalli.

Nga tymi dhe era e gazit lotsjellës, deputetët janë detyruar të largohen nga salla, për shkak se e kanë pasur të pamundur të rrinë aty.

Edhe në korridore të Kuvendit, era është e rënd, madje edhe gazetarët po kanë vështirësi të raportojnë nga atje./lajmi.net

Deputetë opozitarë sërish janë mbledhur pranë foltores së Kuvendit, përkatësisht para ulëses së kryetarit të Kuvendit Kadri Veseli.

Ata sërish po mundohen që të pengojnë punimet e Kuvendit të Kosovës, sikurse dhe më parë.

Opozita sërish kanë hedhur gaz lotsjellës. Një nga deputetët që e ka hedhur gazin lotsjellës është ai i Vetëvendosjes, Faton Topalli.

Kryetari i Kuvendit, Kadri Veseli ka thirrur shefat e grupit parlamentar në takim ndërkaq iu ka thënë deputetëve të dalin nga salla.