Procesi mësimor në Kosovë ka përfunduar për të gjitha shkollat.

Por pavarësisht kësaj, në komunën e Fushë-Kosovës hapësira e oborrit të shkollës fillore “Mihal Grameno” po përdoret për biznes.

Oborri i shkollës në fjalë është shndërruar në një park të lojërave.

Lojëra të shumta për fëmijë janë vendosur në këtë hapësirë, e se si ka ndodhur kjo nuk dihet ende.

Duhet përkujtuar që hapësira e njëjtë ishte shfrytëzuar për të njëjtën arsye edhe gjatë vitit të kaluar.

Lojëra për fëmija ishin vendosur në oborrin e shkollës.

Se si e ka lejuar Komuna, saktësisht Drejtoria për Arsim këtë gjë, nuk dihet ende./Lajmi.net/