Qytetarët e Obiliqit të cilët furnizohen me ujë të pijshëm nga “Puset e Hashanëve”, nesër nuk do të kenë furnizim me ujë, nga ora 8:00 e mëngjesit deri në 20:00 të mbrëmjes.

Sipas  një njoftimi të Kompanisë së Ujësjellësit Rajonal “Prishtina”, kjo mungesë e furnizimit me ujë do të bëhet për shkak të pastrimit të rezervuarëve në qytetin e Obiliqit.

“KUR”Prishtina”-sh.a. njofton  konsumatorët e një pjese të qytetit të Obiliqit, më konkretisht ata konsumatorë që furnizohen me ujë të pijshëm nga “Puset e Hashanëve”, se nesër më 12 qershor 2015, e premte, do të ketë ndërprerje uji nga ora 08:00-20:00”.

“Shkak i kësaj ndërprerje uji është pastrimi i domosdoshëm i rezervuarëve të ujit , duke qenë obligim i yni që rezervuarët e ujit prej nga furnizohen konsumatorët tanë në të gjitha zonat e shërbimit të pastrohen njëherë në gjashtë muaj e më së largu njëherë brenda vitit”, thuhet në njoftim.