Komisioni Qendror Zgjedhor ka njoftuar se ka përfunduar numërimi i votave në 40 vendvotime në kuadër të diasporës.

Saktësisht 93.92 për qind e votave tashmë janë numëruar në Qendrat e Numërimit dhe Rezultateve.

Kësisoj rezultati i tanishëm del të jetë Lëvizja Vetëvendosje me 80.75%, apo përkthyer në vota 10 mijë e 898 vota.

Më pas renditet Partia Demokratike e Kosovës me 7.48% apo 1 mijë e 10 vota.

E treta është Lidhja Demokratike e Kosovës me 7.45% me 1 mijë e 6 vota, transmeton lajmi.net.

Koalicioni AAK-Nisma mori 1.93% apo 260 vota deri më tani.

Duhet përkujtuar që ende s’ka përfunduar 100% i numërimit të votave ndërsa pritet që pas kësaj të nis numërimi i votave me kusht./Lajmi.net/