Që nga koha kur u largua nga Barcelona, Pep Guardiolan e ka përndjekur “mallkimi” në Ligën e Kampionëve.

Tekniku spanjoll nuk ka mundur më kurrë të fitojë trofeun me “veshë të mëdhenj”, por ky fakt nuk e pengon të futet në librin e artë të Ligës së Kampionëve.

Ndaj Bayern Munich, ish-ekipit të tij, Guardiola siguroi për herë të dhjetë një biletë për në fazën gjysmëfinale.

Ky është një rekord absolut, asnjë trajner më parë nuk e kishte arritur një shifër të tillë.

2009—Barcelona
2010—Barcelona
2011—Barcelona
2012—Barcelona
2014—Bayern
2015—Bayern
2016—Bayern
2021—Man City
2022—Man City
2023—Man City

Pep Guardiola is the first manager to reach 10 Champions League semifinals ? pic.twitter.com/Jc32pQnnMX

— B/R Football (@brfootball) April 19, 2023

Në karrierën e tij, Guardiola ka prekur këtë fazë katër herë me Barcelonën, tre herë me Bayern Munich dhe tre herë me Manchester Cityn.

Sigurisht kaq nuk mjafton për Guardiolan, as për Manchester Cityn, pasi këtë vit dëshirojnë t’i shkojnë deri në fund këtij turneu.

“Qytetarët” në gjysmëfinale do të përballen me 14 herë kampionët e Evropës, Real Madridin./Lajmi.net/