Milani është kualifikuar në gjysmëfinale të Ligës së Kampionëve, shkruan lajmi.net.

“Rossonerët” barazuan 1:1 në ndeshjen e dytë ndaj Napolit në stadiumin “Diego Armando Maradona”, por triumfuan 1:2 me rezultat të përgjithshëm.

Sulmuesi francez, Olivier Giroud ishte autor i golit për mysafirët në minutën e 43-të.

Napoli barazoi në minutën e tretë shtesë me anë të sulmuesit Osimhen, por që ishte e tëra çfarë ata bën në këtë përballje.

Uebfaqja e specializuar e vlerësimeve “Whoscored.com” ka publikuar notat e futbollistëve pas përballjes.

Lojtari me notën më të lartë ishte sulmuesi gjeorgjian, Kvaratskhelia i cili u vlerësua me notën 8.2, ndërsa mbrojtësi i krahut, Rui u vlerësua me notën më të ulët te Napoli 6.0.

Te Milani me notën më të madhe u vlerësua Leao me notën 8.0. Me notën më të ulët te Milani u vlerësuan Tonali dhe Diaz 6.6.

Amir Rrahmani, futbollisti i Kosovës u vlerësua me notën 6.4. Rrahmani u paraqit për 90 minuta në këtë takim për Napolin.

Milani në gjysmëfinale do të ballafaqohet me fituesin e takimin Inter – Benfica (2:0)./Lajmi.net/