Një orë e vjedhur Hublot që i përkiste Diego Maradonës është gjetur nga policia në shtetin verilindor të Indisë, Assam, një vit pas vdekjes së legjendës së futbollit argjentinas.

Duke e quajtur atë “një akt bashkëpunimi ndërkombëtar”, policia e shtetit Assam njoftoi në Twitter të shtunën se ora e yllit që ishte zhdukur nga rezidenca e tij në Dubai u gjet në një bastisje në Sibsagar në Assam.

Drejtori i Përgjithshëm i Policisë së Assam, Bhaskar Jyoti Mahanta, postoi një fotografi në Twitter të shtunën me më shumë detaje rreth të dyshuarit.

Ora Hublot mban inicialet e legjendës së futbollit, fanellën e tij të famshme me numrin 10 dhe logon e tij.

I dyshuari punonte si roje sigurie për një kompani që ruante gjërat e futbollistit të ndjerë, tha Mahanta. Disa ditë pas punës, ai dyshohet se kërkoi lejen e punëdhënësit të tij për t’u kthyer në Indi për t’u kujdesur për babanë e tij të sëmurë.

“Po ndërmerren veprime të ligjshme”, tha kryeministri i shtetit Assam, Himanta Biswa Sarma, në një postim në Twitter mbi bastisjen dhe rikuperimin e orës luksoze të Maradona-s. /Lajmi.net/