Kosova sot ka shënuar 25 vjetorin e lirisë.

25 vite më parë në Kosovë për herë të parë u shënuan ditët e lirisë, saktësisht qytetarët e Kosovës u ndjenë të lirë pas një lufte e cila mori jetën e mijëra njerëzve, la shumë të plagosur, shumë të dhunuar e shumë dëme mbi vendin.

Në sheshet e Prishtinës sot hijeshi pati edhe parakalimi i Njësive të Forcës së Kosovës si dhe të Policisë së Kosovës.

Të pranishëm për të parë parakalimin e tyre ishin edhe figura e emra të rëndësishëm të institucioneve, të politikës, miq të vendit por edhe zyrtarë  të Qeverisë.

Por sipas protokollit të vendit çdokush tjetër ishte më i rëndësishëm se Ramush Haradinaj, një nga njerëzit që i dha shumë lirisë së Kosovës, transmeton lajmi.net.

Pavarësisht bindjeve politike të tij, familja Haradinaj njihet si një prej familjeve më kontributdhënëse në luftën e Kosovës, si dhe në arritjen e lirisë së vendit.

Familja Haradinaj njihet si një prej familjeve që i dha shumë Ushtrisë Çlirimtare të Kosovës, e që sot u la në rendin e fundit të ulëseve.

Në rreshtat e para të ulëseve pati zyrtar shumë më pak të rëndësishëm se Haradinaj sa i përket luftës, lirisë dhe gjithë historisë së Kosovës.

Siç duket për protokollin shtetëror e rëndësishme ishte të “rehatoheshin” zyrtarët ministror më përpara se kontribudhënësit e luftës dhe lirisë.

Në lidhje me këtë tashmë pati edhe reagime të shumta./Lajmi.net/