Një aksident trafiku ka ndodhur sot në rrugën magjistrale Ferizaj-Kaçanik, tek vendi i njohur si “Fusha e Pajtimit”.

Siç ka thënë për lajmi.net, zëdhënësi i Policisë së Kosovës për rajonin e Ferizajit, Kanun Veseli në këtë aksident është përfshirë një kamion.

Veseli ka thënë se përveç dëmeve materiale nuk raportohet për të lënduar, shkruan lajmi.net.

“Me datën 25.11.2024 , rreth orës 14:20 kemi pranuar një informatë se në rrugën magjistrale Ferizaj – Kaçanik tek vendi i quajtur “Fusha e Pajtimit ,” është një aksident komunikacioni rrugor, ku është përfshirë një kamion. Veç dëmeve të shkaktuara materiale nuk raportohet për të lënduar. Njësia e Hetimeve të Aksidenteve ka dalë në vendin e ngjarjes për të mësuar shkaqet e aksidentit”, ka thënë Veseli për lajmi.net.