Kosovarët janë duke u përballur me çmime të larta, e jetë të vështirësuar sa i përket ekonomisë.

Njohësi i çështjeve ekonomike, Shenoll Muharremi, ka treguar nivelin e rritjes së inflacionit nga nëntori i vitit të kaluar deri në prill të këtij viti.

Bazuar në statistikat e ASK-së, Muharremi vlerësoi se gjatë kësaj periudhe kohore inflacioni është rritur për 3 për qind.

Ai tha se kjo tregon menaxhimin skandaloz të ekonomisë, transmeton lajmi.net.

Postimi i plotë:

INFLACIONI: Nga 0,7% në 3,0%

Ky është trendi i inflacionit, rritjes së çmimeve në Kosovë nga nëntori/dhjetori deri në prill sipas burimeve zyrtare të ASK. Nga 0,7% nëntor, arritëm në 3,0% në Prill. Kjo ende pa hyrë në fuqi rritja skandaloze dhe kriminale për ekonomi e kostos së energjisë. Dmth pritet me eskalu ende.

Një menaxhim skandaloz i ekonomisë së Kosovës që e varfëron qytetarin dhe familjen duke e goditur fuqinë blerëse dhe që e dobëson prodhuesin dhe bizneset vendore me rritje të çmimit të energjisë deri mbi 200% (si kanë raportuar publikisht).

INFLACIONI/ÇMIMET 2025

Pril 2025: 3,0%

Mars 2025: 2,9%

Shkurt 2025: 1,7%

Janar 2025: 1,5%

Dhjetor 2024: 1,1%

Nentor 2024: 0,7%

Disa indikatore Pril 2025 (disa produkte/sherbime)

-Kafja, çaji dhe kakao 16,4%

-Transportit 13,1%,

-Pemët 11,1%

-Vajrat dhe yndyrnat 11,1%

-Mishi 10,1%

-Qumështi, djathi dhe vezët 7,9%./Lajmi.net/