Paneli Zgjedhor për Ankesa dhe Parashtresa ka dënuar sërish Lëvizjen Vetëvendosje.

Në kuadër të një numri të madh të gjobave që janë shqiptuar për këtë parti politike është edhe pranimi i një ankese që është bërë në kuadër të tubimit që mbajti VV-ja në Skenderaj.

PZAP ka gjobitur me 35 mijë euro gjobë VV-në për një seri shkeljesh, e më së shumti për gjuhë dhe nxitje të urrejtjes ndaj kundërshtarëve politikë.

Në mesin e këtyre ankesave të bazuara që çuan deri tek gjobitja e Vetëvendosjes është edhe ankesa se në tubimin e tensionuar të zhvilluar në Skenderaj u ngritën “Tre gishta lartë, gjest i cili është simbol ekskluziv serb, i cili në tri vitet e fundit ka marrë ngjyrime nacionaliste, pasi u përdor nga forcat paramilitare serbe në luftërat e fundit të zhvilluara në Ballkan”.

PZAP ka gjobitur vazhdimisht partitë politikë në vend përgjatë shkeljeve në fushatë, e Vetëvendosje mori shumë prej këtyre gjobave, të ngjashme me këto ku përfshihen 35 mijë euro./Lajmi.net/

https://pzap.rks-gov.net/wp-content/uploads/2025/02/Anr.244-Vendim.pdf