Policia e Kosovës ka arrestuar një shtetase të Serbisë, e dyshuar për lëndim trupor të rëndë ndaj të dashurit të saj pas një mosmarrëveshjeje.

Sipas njoftimit zyrtar, rasti ka ndodhur mëngjesin e së enjtes, rreth orës 09:00, në Ferizaj. Gjatë konfliktit verbal që ka eskaluar në dhunë, e dyshuara ka përdorur mjet të mprehtë (thikë), me të cilën e ka goditur viktimën.

I lënduari ka marrë trajtim mjekësor dhe gjendja e tij raportohet jashtë rrezikut për jetë. Ndërkohë, e dyshuara është arrestuar nga policia dhe, me vendim të prokurorit të rastit, është dërguar në mbajtje për procedura të mëtejshme ligjore.

Hetimet për zbardhjen e plotë të rastit janë në zhvillim.