Qytetarë nga Mitrovica dhe mbarë Kosova, pritet të marrin pjesë në protestën kundër rivendosjes së barrikadës në Urën e Ibrit, përmes të ashtuquajturit “Parku i Paqes”.

Lajmi për këtë protestë tashmë është duke qarkulluar me të madhe përmes rrjeteve sociale.

Labinot Musliu, përfaqësues i një grupi të të rinjve ka konfirmuar lajmin për KosovaPress, duke thënë se protesta do të jetë kundër barrikadës mbi urë dhe zhardenier të betonit.

“Ftojmë të gjithë të interesuarit që nesër nga ora 15:00, të marrin pjesë në protestën paqësore kundër turpit me të ri të vendosur mbi Urë”, ka thënë Musliu.