Nëse doni që grimi t’ju qëndrojë pa lëvizur, ndiqni këto 5 këshilla të vlefshme

Ashtu si lëkura, edhe buzët tuaja duhet të jenë të hidratuara mirë para se të aplikoni buzëkuqin.

Lifestyle

26/04/2021 14:20

Një ndër dëshirat e mëdha që kemi ne vajzat është që grimi të duket gjatë gjithë ditës po aq i freskët sa në mëngjes kur sapo e kemi bërë, shkruan “Revista Class”.

Për ta arritur këtë gjë, është e rëndësishme të njihni teknika dhe truke që do t’ju ndihmojnë, transmeton lajmi.net.

Këto janë disa gjëra që duhet të keni parasysh kur grimoheni, sipas Vida Moderna, në mënyrë që grimi të duket bukur dhe të zgjasë sa më shumë:

Përdorni primer

Është e rëndësishme që para se të grimoheni ta përgatisni lëkurën për hapat e tjerë që do të vijnë. Primeri krijon një bazë të qëndrueshme për grimin dhe e bën atë të duket më mirë dhe i njëtrajtshëm në lëkurë.

Kujdes fondatinën

Ky produkt është pa dyshim aleati më i mirë i vajzave, por kini kujdes me zgjedhjen që bëni. Zgjidhni një fondatinë që ju përshtatet me llojin e lëkurës suaj, si dhe me tonalitetin. Ekspertët sugjerojnë që ta provoni te qafa për të kuptuar nëse ju përshtatet si ngjyrë. Këshillohuni me shitësen rreth llojit që ju duhet.

Furçat

Furçat janë shumë të nevojshme për t’i hapur në mënyrën e duhur produktet. Të lejojnë të krijosh efekte dhe hije sipas rastit.

Hidratuesi i buzëve

Ashtu si lëkura, edhe buzët tuaja duhet të jenë të hidratuara mirë para se të aplikoni buzëkuqin. Grimieret rekomandojnë që të përdorni një balsam natyral për të ushqyer, mbrojtur dhe shmangur tharjen e buzëve. Nëse buzët janë të hidratuara, buzëkuqi do të duket më bukur dhe do të qëndrojë më gjatë.

Highlighter-i dhe blush-i

Highlighter-i i jep pamjes prekjen finale, duke ndriçuar pjesë të veçanta të fytyrës, ndërsa blush-i i jep ngjyrë dhe jetë asaj.

Këshillë ekstra: Në fund mos harroni fiksuesin! /Lajmi.net/