Neglizhencë totale, kryeministri Kurti asnjë fjalë deri tani për tragjedinë në Gjilan
Kryeministri i ri i Kosovës, Albin Kurti, nuk e tha asnjë fjalë për ngjarjen tragjike që sot ka tronditur Kosovën, e që ndodhi në Gjilan, ku pesë persona mbetën të vrarë nga një familje.
Lajme
Tashmë kur kanë kaluar më shumë se 6 orë që prej ndodhisë, kreu i Qeverisë nuk e ka thënë asnjë fjalë për të, shkruan lajmi.net.
Kurti në këtë rast po tregohet më i ngathët se paraardhësi i tij, Ramush Haradinaj, që të paktën reagimet në raste të tilla i kishte të shpejta dhe të ashpra.
Në vend të Kurtit, për këtë rast ka reaguar kryetarja e Kuvendit, Vjosa Osmani si dhe ministria e Brendshme përmes një komunikate për media.
Lajmi.net ka qëndruar gjatë gjithë ditës në familjen Bllaca ku ndodhi tragjedia. Nga aty, lajmi.net i ka transmetuar të gjitha të rejat e fundit në kohë reale.
Lexo edhe:
Vrasja e pesë personave në Gjilan, gjithçka që dihet për ngjarjen që tronditi Kosovën
Ndërkaq, aktualisht trupat e pajetë të pesë anëtarëve të familjes Bllaca janë në IML për obduksion. /Lajmi.net/