Ndërkohë që kryetari i Nismës Socialdemokrate, Fatmir Limaj, nuk përjashtoi mundësinë e një koalicioni me Lëvizjen Vetëvendosje, Zafir Berisha ka deklaruar të kundërtën.

Ai u shpreh i bindur se partia e tij nuk do të hyjë në koalicion me Vetëvendosjen, duke theksuar se këtë qëndrim e ka përsëritur shumë herë.

“Unë për LDK-në nuk mund të them, por për Nismën, kështu po iu shnoshi, flini rehat, se kjo punë nuk bëhet. Unë nuk besoj se një subjekt që i takoj mund të kontribuojë në dëmtimin edhe të mëtejshëm të Kosovës, siç është dëmtuar në këto katër vjet”, u shpreh ai Berisha në “Klan Kosova”.