Pasditen e djeshme në vendkalimin kufitar në Tabanovc të Maqedonisë së Veriut, zyrtarët policorë kanë ndaluar një person nga Kosova të dyshuar për falsifikim të dokumenteve personale.

I njëjti është një 42 vjeçar me inicialet SH.A.

“Dje në ora 16:00 në vendkalimin kufitar Tabanovc, në hyrje të shtetit, zyrtarët policorë kanë ndaluar 42-vjeçarin SH.A. nga Kosova, pasi gjatë kontrollit të pasaportave dhe kontrolleve është konstatuar se kishte dorëzuar patentë shoferi Polonisë të falsifikuar”, thuhet në njoftimin e MPB-së.

Ai është dorëzuar zyrtarëve policorë në SPB Kumanovë për procedurë të mëtutjeshme”, thonë nga MPB./Lajmi.net