Komuna e Deçanit është duke u përballur me ndërprerje të energjisë elektrike natën e Vitit të Ri.

Qytetarët nga kjo komunë janë ankuar se rryma iu është ndërprerë pasditen e sotme.

Ata nuk janë njoftuar për këto reduktime apo për ndonjë prishje në rrjetin elektrik.

Njohësit e ekonomisë kishin ngritur shqetësime se ndërrimi i motmoteve mund t’i gjejë disa zona të Kosovës në terr.

Ky shqetësim është ndarë edhe nga banorë të disa komunave, të cilët tash e disa javë raportojnë se reduktimet e energjisë elektrike janë të shpeshta dhe zgjasin për orë të tëra.