Mustafa e ka falënderuar Gnocchin për bashkëpunimin e deritanishëm dhe për përkrahjen që Zyra e BE-së ka dhënë në proceset në Kosovë.

Kryeministri i vendit siguroi u.d. e shefit të Zyrës së BE-së për vullnetin dhe gatishmërinë e Qeverisë për të punuar së bashku për të adresuar të gjitha çështjet që lidhen me procesin e integrimit evropian.

Në këtë takim vëmendje e veçantë i është kushtuar procesit të liberalizimit të vizave, me ç ’rast kryeministri Mustafa u zotua se shpejt do të përmbushen të gjitha kriteret që bien në përgjegjësi të institucioneve të Kosovës.

Nga ana e tij, Thomas Gnocchi siguroi kryeministrin Mustafa se institucionet e Bashkimit Evropian do të bashkëpunojnë ngushtë që Kosova të ecë përpara në rrugën e integrimit evropian, dhe siguroi për përkrahjen e plotë në këtë drejtim, njofton Zyra e Kryeministrit.