Ushqimi i ushtarëve të Forcës së Sigurisë së Kosovës (FSK), tash e një kohë është temë diskutimi në vend.

Për këtë ka reaguar sot edhe deputetja e kuvendit nga radhët e Partisë Demokratike të Kosovës (PDK), Ganimete Musliu.

Musliu përmes një postimi në llogarinë e saj në Facebook ka treguar se çfarë ushqimi u është servuar sot ushtarëve në kazermën e FSK-së në Istog.

“Nuk ka as kuzhinier, as organizim, as kushte. I detyrojnë ushtarët e rinjë të bëjnë punën e kuzhinierit”, ka shkruar Musliu.

Ndryshe ajo e ka kritikuar ministrin e mbrojtjes Ejup Maqedonci, duke i thënë se ende është ministër.

“@ejupmaqedonci ende je Ministër dhe për një post po bëhësh pjesë e turpit”, shkroi ajo. /Lajmi.net/