Përplasje midis të parit të Prishtinës, Përparim Rama dhe Hekuran Murati nuk kanë të ndalur.

Rama pak minuta më parë tha se Murati duhet që t’i kryejë punën e veta, e po ashtu në reagim publikoi një email me kërkesën për alokimin e buxhetit të kryeqytetit të cilën ia ka dërguar Muratit.

Mirëpo nuk vanoi shumë e Murati përsëri ka reaguar ndaj deklaratave të Ramës.

Ministri i Financave është shprehur se Rama me shpalljen e tenderit dhe nënshkrimin e kontratës e ka shkelur ligjin.

Reagimi i plotë:

Përparim,

Njëra ndër punët e mia është edhe mbikqyrja dhe sigurimi që paraja publike shpenzohet sipas ligjit.

Me nënshkrimin e deklaratës së disponueshmërisë së fondeve, duke deklaruar se i keni të buxhetuara 18.4 milionë euro, kur në fakt keni pasur vetëm 10% të asaj vlere në buxhet, ju keni shkelur ligjin.

Me shpalljen e tenderit, dhe pastaj me nënshkrimin e kontratës, pa i pasur fondet në buxhet, ju përsëri keni shkelur ligjin.

Për 18 milionë euro.

Kurse sa u përket shkresave tuaja, besoj e keni marrë sqarimin tashmë disa herë nga stafi profesional i MFPT-së që buxheti i komunës mund të bëhet pjesë e Ligjit për Ndarje Buxhetore të vitit 2025, tek pasi Kuvendi të ketë miratuar ndryshim plotësimin e ligjit.

Kjo për shkak se ju jeni vonuar në miratim të buxhetit komunal sipas afateve ligjore.

Këto tashmë i dini, dhe kot bëheni se nuk i dini e shkruani shkresa. Injoranca ndaj ligjit nuk amniston shkeljen e ligjit.