Njohësi i çështjeve ekonomike, Shenoll Muharremi, ka rikujtuar edhe një herë trendet elektorale të PDK-së dhe LDK-së në nivel nacional.

Përmes një postimi në llogarinë e tij në Facebook, Muharremi ka thënë se dy partitë më të mëdha opozitare janë në trend rritës ku sipas tij pritet të vazhdoj edhe në periudhën e ardhshme.

“Viti 2021 ka qenë themel i poshtëm, ndërsa 2025 shënon fillimin e rikthimit dhe fillimin e trendit drejt nivelit 250 mijë vota.

Historikisht, kur janë në ngritje, këto parti ose vazhdojnë me u rritë, ose së paku e mbajnë nivelin derisa nis trendi i rënies.

Objektivat realiste për këtë periudhën e ardhshme janë në nivelin 200k–250k vota.

Kyçja eventuale e Vjosa Osmanit në politikë garuese mundet me ndiku direkt në trendin e LDK-së (jo edhe aq të PDK-së”, ka shktuar Muharremi.

Teksa sipas Muharremit në këtë rast më rast të rënies së LVV-së, do të përfitonin PDK, LDK dhe Presidentja Osmani.

“Nga rënia e LVV-së, e cila është qartë në trendin e konfirumuar të tkurrjes apo rënies, përfitojnë PDK, LDK dhe Vjosa, nëse vendos me u kyç”, ka p[ërfunduar ai. /Lajmi.net/