Opinionisti Shenoll Muharremi ka nxjerrë një grafikon me të dhëna të çmimeve (të importuara)ku deri në 2021 thotë se ka pasur stabilitet – por, se prej nga ai vit çmimet kanë shkuar deri në 40% më të larta.

“Sot çmimet mesatare të importit janë afër 40% më të larta se në vitin 2021. Kjo është arsyeja pse importi dhe deficiti tregtar janë në kulm. Në katër muajt e parë të këtij viti kemi gati 2 miliardë euro deficit tregtar në mallra”, tha ai.

Postimi i plotë i tij:

y grafikon që e gjenerova nga Agjencia e Statistikave të Kosovës tregon realitetin ekonomik. Fjala është për Indeksin e çmimeve të importit i cili është rritur vazhdimisht pandalshëm.

-Deri në vitin 2021 kemi pasur një farë lloj stabiliteti.

-Pastaj kemi pasur vitet e inflacionit global 2021 dhe 2022.

-Por ndryshe nga vendet tjera, pas krizës globale çmimet nuk janë janë stabilizuar por kanë vazhdu me u rritë vazhdimisht.

Sot çmimet mesatare të importit janë afër 40% më të larta se në vitin 2021. Kjo është arsyeja pse importi dhe deficiti tregtar janë në kulm. Në katër muajt e parë të këtij viti kemi gati 2 miliardë euro deficit tregtar në mallra.

Çka do të thotë kjo në praktikë?

-Nuk është rritur prodhimi, as konkurrenca vendore.

-Nuk kemi rritje reale cilësore ekonomike.

-Vetëm janë shtrenjtuar mallrat që po i fusim në Kosovë.

E qytetari dhe familjet po e paguan këtë faturë ndoshta duke marrë borxhe për konsum të përditshëm.

Rritja e çmimeve të importit tregon se konkurrenca e prodhuesve dhe bizneseve vendore është shumë e dobët.

Ata nuk po arrijnë me ndiku në stabilizimin e tregut. Qytetari është nën mëshirën e çmimeve të importit, e askush nuk po e mbron.

Prandaj, jo vetëm që nuk duhet me i bë presion me kosto astronomike të energjisë, përkundrazi:

-Duhet me fuqizu prodhimin vendor maksimalisht

-Me i rritë kapacitetet e prodhuesëve sa më shumë

-Me mbrojtë bizneset vendore, jo me goditë

Pa konkurrencë vendore, nuk ka stabilitet ekonomik.

E qytetari gjithmonë ka me pagu faturën më të shtrenjtë.