Ai tha se janë në kontakt të vazhdueshëm me autoritet e Maqedonisë së Veriut për të siguruar lirimin e tij.

“Ka procedura në Maqedoninë e Veriut që autoritetet e atjeshme duhet me i ndjekë dhe ne jemi duke komunikuar rregullisht dhe intensivisht me Shkupin për të shpejtuar lirimin e ish luftëtarit te lirisë, Tomor Morina”, ka shkruar Zyberaj në Facebook.

Zyberaj shtoi se shteti serb përmes lëshimit të urdhërrarrestave politikë po e pengon pajtimin në rajon.

Postimi i plotë:

Që nga dita e parë e ndalimit, ne jemi në kontakt të ngushtë me autoritetet e Maqedonisë së Veriut për të siguruar lirimin e Tomor Morinës.

Ka procedura në Maqedoninë e Veriut qe autoritetet e atjeshme duhet me i ndjek, dhe ne jemi duke komunikuar rregullisht dhe intenzivisht me Shkupin për të shpejtuar lirimin e ish-luftëtarit te lirisë, Tomor Morina.

Urdhër-arrestet politik të Serbisë* kundër luftëtarëve të lirisë së UÇK-së nuk kanë kuptim dhe as bazë ligjore dhe thjesht bazohen në lojra politike të Beogradit.

Ne besojmë se së shpejti lirimi i tij do të ndodh dhe kështu edhe kthimi i tij tek familja.

Besojmë në lirimin e shpejtë të Tomorit dhe këtu nuk ka dilema.

*Ky përcaktim është pranuar për faktin se shteti i Serbisë ka kryer krimet më të rënda kundër njerëzimit(pas luftës së dytë botërore) në Kosovë, Kroaci dhe Bosnjë e Hercegovinë dhe ende nuk ka kërkuar falje për krimet e kryera.

Shteti serb vazhdon edhe sot të pengojë pajtimin në rajon. /Lajmi.net/