Luka Modrid nuk do të largohet nga Real Madridi gjatë verës. Mesfushori kroat kërkohet nga shumë skuadra evropiane, por ai nuk do të lëvizë nga Santiago Bernabeu.

Sipas mediave të huaja, 28 vjeçari mund të përfundojë në Chelsea, pasi është një lojtar mjaft i dashur për Jose Mourinhon, i cili ishte ai që e kishte sjell tek Merengues.

Gjithashtu, flitet se edhe Paris Saint Germaini e ka ndërmend të tentojë gjatë verës që ta bëjë të vetin ish futbollistin e Tottenhamit.

Por, ‘Los Blancos’ duket se nuk e kanë ndërmend të heqin dorë nga përfaqësuesi kroat, i cili pas disa vështirësive fillestare për t’u ambientuar, është bërë një element i rëndësishëm në skemën e trajnerit Carlo Ancelotti.