Një tjetër marrëveshje e rëndësishme është miratuar sot në Kuvendin e Kosovës.

Me  98 vota për, asnjë kundër dhe 4 abstenime është ratifikaur Marrëveshja e Kredisë për “Instrumentin për Reforma dhe Rritje për Ballkanin Perëndimor” ndërmjet Bashkimi Evropian, të përfaqësuar nga Komisioni Evropian si huadhënës, dhe Republikës së Kosovës si huamarrës, me Banka Qendrore e Kosovës në rolin e agjentit të huamarrësit, transmeton lajmi.net.

Ratifikimi i kësaj marrëveshjeje lidhet me zbatimin e agjendës së reformave në kuadër të Planit të Rritjes së Bashkimit Evropian për Ballkanin Perëndimor.

Nga kjo marrëveshje parashihet sigurimi i një kredie në vlerë mbi 629 milionë euro, e cila do të shërbejë për mbështetje buxhetore dhe investime zhvillimore./lajmi.net/