Ministrit Krasniqi i del problem me fjalimin, e falënderon personin që ia ka shkruar aq “detajisht”
Ministri i Administrimit dhe Pushtetit Lokal, Elbert Krasniqi sot bashkë me Kryeministrin Kurti kanë mbajtur mbledhjen e shtatë të rregullt me kryetarët e komunave të Kosovës. Duke filluar fjalimin e tij, ministri Krasniqi përballet me probleme derisa e lexon atë. “Është gjithmonë kënaqësi të organizojmë tryeza të tilla diskutimi, mundësia për ofrimin e zgjedhjeve të…
Lajme
Ministri i Administrimit dhe Pushtetit Lokal, Elbert Krasniqi sot bashkë me Kryeministrin Kurti kanë mbajtur mbledhjen e shtatë të rregullt me kryetarët e komunave të Kosovës.
Duke filluar fjalimin e tij, ministri Krasniqi përballet me probleme derisa e lexon atë.
“Është gjithmonë kënaqësi të organizojmë tryeza të tilla diskutimi, mundësia për ofrimin e zgjedhjeve të kryetarëve të komunave në nivelin qendror të cilët implementojnë programe në mënyrë që jeta e qytetarëve të përmirësohet dhe të ngrihet standardi i tyre i jetesës. Unë sot para jush shfrytëzoj këtë hapësirë që pavarësisht dallimeve dhe mospajtimeve iu falënderoj për bashkëpunimin dhe me sa kujtoj i kam takuar të gjithë kryetarët e komunave kur kemi qenë bashkë në shumë përurime, gurthemele, në shumë takime e tryeza mirëpo edhe në pandemi e vështirësi pavarësisht a ishte mëngjes i hershëm apo i vonshëm…”, ishte duke lexuar Krasniqi në letrën e tij, transmeton lajmi.net.
Aty si duket iu paraqitën disa probleme atij pasi që fjalimi iu duk shumë i detajuar.
“Faleminderit për këtë fjalim shumë të detajuar”, ka thënë ai derisa buzëqesh nën siklet.
Kurti dhe Krasniqi kanë diskutuar disa nga sfidat dhe sukseset e kësaj Qeverie në raport me komunat e Kosovës. /Lajmi.net/