Ky është viti i trete që vazhdohet me këtë bashkëpunim dhe nga ku kanë përfituar më shumë se 750 mikro biznese, bën të ditur një njoftim nga MPMS.

“Qëllimi i projektit është ngritja e kapaciteteve të grupeve të cenueshme ne sferën ekonomike dhe shoqërore, në mënyrë që të ju krijohen mundësitë për pjesëmarrje aktive në shoqëri, për derisa objektiva është zvogëlimi i nivelit të varfërisë në mesin e grupeve ekonomikisht të cenueshme”, thuhet në njoftim.

“Komponentët e projektit janë 240 grantet për mikro bizneset; Trajnime për biznes dhe trajnime profesionale dhe mbështetje iniciativave sipërmarrëse të komunitetit në të gjithë vendin që do ndikojnë ne krijimin e vendeve të reja të punës dhe do të kontribuojnë në stabilitetin socio-ekonomik”, bën të ditur njoftimi.

Komunat partnere përgjatë zbatimit te projektit ne vitin 2017 dhe ne 2018 janë: Suhareka, Lipjani, Deçani, Shtërpcë, Istog, Gjakova, Graçanica, Mitrovica dhe Mitrovica Veriore.