Qendërmbrojtësi Alex i është nënshtruar testeve mjekësore para transferimit në Milan, në kontratë dyvjeçare, kanë njoftuar mediet italiane.

I shoqëruar nga menaxheri i tij, Kia Joorabchian, dhe nënkryetarin e Milanit, Adriano Galliani, Alex do të transferohet në San Siro si futbollist i lirë pas skadimit të kontratës në Paris Saint-Germain.

Braziliani ka hyrë në klinikën La Madonnina, e njëjta ku gjatë ditës së sotme është paraqitur edhe mesfushori Riccardo Montolivo, pas operacionit në frakturën e këmbës që e la pa u paraqitur për Italinë në Kampionatin botëror.

Alexit, së shpejti mund t’i bashkohet edhe një bashkëlojtar i tij nga Paris Saint-Germain.

Milan është i interesuar edhe për mesfushorin francez Jeremy Menez, gjithashtu futbollist i lirë pas skadimit të kontratës në Parc des Princes.