Genc Metaj, shef i Agjencisë së Emergjencave (AME), ka thënë se kërkesën për angazhimin e FSK-së në gjetjen e trupit të personit që është hedhur në Ujman e kanë bërë për shkak se me kapacitetet aktuale nuk kanë arritur ta gjejnë trupin deri më tash.

Ai para pak minutave në një prononcim para mediave tha se kërkesa është bërë të hënën, shkruan lajmi.net.

“Njësia e reagimit emergjent me të marr informacionin, në koordinim me policinë menjëherë i ka marr veprimet, kemi angazhuar shoqatën për kërkim-shpëtim. Agjencia koordinuese me kapacitetet aktuale që i kemi pasur, nuk kemi pasur sukses me e gjet trupin, për këtë arsye kemi ndërmarr gjitha veprimet institucionale dhe kemi kërkuar angazhimin e FSK-së të cilët sot kanë ardhur dhe po e kryejn punën e vet. Dje e kemi bërë kërkesën për angazhimin e FSK-së, agjencia e menaxhimit emergjent është në rritje të kapaciteteve të kërkim-shpëtimit, për momentin strukturat e kërkim-shpëtimit janë në FSK”, ka thënë Metaj.

Ndryshe zëvendësdrejtori i Policisë për rajonin e veriut, Veton Elshani nuk foli gjatë ku tha se policia është duke asistuar në këtë operacion. /Lajmi.net/