Ka nisur ndeshja kualifikuese ndërmjet Kombëtares së Kosovës dhe asaj të Zvicrës.

Nga mesi i fushës të parët me topin kanë nisur futbollistët e Zvicrës, shkruan lajmi.net.

Tifogrupi i Kosovës, “Dardanët” kanë shpalosur një koreografi para ndeshjes.

“Mëmëdheu qan për trima e burra, por jo për qyqarë e tradhtarë” – shkruhej në mesazhin afër koreografisë.

“Dardanët” po paraqiten me fanellat e kaltërta, ndërsa mysafirët me fanellat e bardha.

Ndeshja mes Kosovës dhe Zvicrës është e vlefshme për kualifikimet e Kampionatit Evropian “Euro2024”.

Në Grupin I me Kosovën dhr Zvicrën janë edhe Rumania, Izraeli, Bjellorusia dhe Andorra./Lajmi.net