Ka përfunduar pjesa e parë në derbin e kësaj xhiroje në Premier Ligë.

Man City dhe Liverpool janë ndarë baras 1:1, pas 45 minutave të parë në ‘Eithad’, shkruan lajmi.net.

Pjesa e parë dhuroi një lojë spektakolare, ku u shënuan edhe dy gola.

Topi ishte herë në njërën anë të fushës, e herë në tjetrën, duke kërkuar golin e parë të ndeshjes.

Atë e arritën Liverpool, me yllin e skuadrës, Mohamed Salah.

Në minutën e 17’ të ndeshjes pas një kundërsulmi realizoi egjiptiani.

Megjithatë, City vazhduan duke sulmuar në zonën e mysafirëve.

Një aksioni tejet i mirë nga lojtarët e kampionit në fuqi, u konkretizua në gol.

Ishte Julian Alvarez, ai i cili shënoi nga afërsia dhe barazoi shifrat në 1:1.

Ndeshja më pas vijoi me raste të tjera, por jo edhe gola./Lajmi.net/