Mbreti Charles III, i ka uruar Presidentes së Kosovës, Vjosa Osmanit, 18 vjetorin e Pavarësisë së Kosovës.l

Përmes një letre të publikuar nga Ambasada e Britanisë së Madhe në Kosovë, Charles ka thënë se ai dhe bashkëshortja e tij i shprehin Osmanit dhe qytetarëve të Kosovës, urimet e përzemërta dhe dëshirat më të mira.

“Kjo ditë shërben si një mundësi e çmuar për të reflektuar mbi miqësinë e qëndrueshme ndërmjet kombeve tona. Jam thellësisht i inkurajuar nga forca e marrëdhënieve tona dypalëshe dhe mbetem i përkushtuar për të nxitur një bashkëpunim edhe më të ngushtë në vitet që vijnë. Ndërsa përballemi me sfidat e përbashkëta të kohës sonë, veçanërisht ato që kanë të bëjnë me klimën dhe ruajtjen e botës sonë natyrore, shpresoj që vendet tona të vazhdojnë të punojnë së bashku në kërkim të zgjidhjeve domethënëse dhe afatgjata. Bashkëshortja ime dhe unë ju përcjellim përshëndetjet tona më të sinqerta juve dhe të gjithë kosovarëve për paqe, prosperitet dhe mirëqenie në vitin që vjen”, thuhet në letër. /Lajmi.net/

Letra e plotë: