Kylian Mbappe është shtruar në spital, pasi është duke vuajtur nga gastroenteriti akut dhe aktualisht është në spital për analiza dhe trajtime të ndryshme.

Lajmin e ka konfirmuar vetë Real Madrid, ku e njoftoi këtë në një raport zyrtar mjekësor në platformën X.

“Lojtari ynë Kylian Mbappe vuan nga gastroenterit akut dhe është shtruar në spital për analiza dhe trajtime të ndryshme”, thuhet në njoftimin e klubit spanjoll.

Mbappe filloi të ndihej keq pas stërvitjes të hënën e kaluar, 48 orë para ndeshjes kundër Al Hilal, dhe që atëherë, jo vetëm që nuk ka qenë në gjendje të stërvitet, por mezi ka qenë në gjendje të dalë nga dhoma e tij. Me Aquarius dhe disa fruta, Kylian ishte mbyllur në hotelin e ekipit që nga data 16, plotësisht i izoluar nga shokët e tij të ekipit.

Edhe pse Xabi Alonso e siguroi Mbappen para ndeshjes të martën se do të priste deri në minutën e fundit për të, francezi nuk mundi as t’u bashkohej shokëve të tij të ekipit për të parë ndeshjen nga tribunat. Ai qëndroi në hotel duke pushuar. Duke parë se përparimi i Mbappes nuk është siç pritej, Madridi ka vendosur ta transferojë atë në një spital për monitorim të mëtejshëm dhe analiza dhe trajtim më të përshtatshëm mjekësor.

Duke pasur parasysh këtë situatë, Mbappe përjashtohet plotësisht nga ndeshja e dytë e Kupës së Botës për Klube kundër Pachucës.

Parte médico de Mbappé.

— Real Madrid C.F. (@realmadrid) June 19, 2025