Gerardo Martino ndihet i lumtur për triumfin në El Clasico dhe për rihapjen e garës për titull të kampionit në La Liga.

“La Liga u rihap përsëri. Na bënin të vdekur dhe ne u rifutëm në luftë për titull”, deklaroi fillimisht trajneri argjentinas në konferencë për shtyp.

“Ne e dinim se Reali mund të shkonte në shtatë pikë përpara. Kështu që, na duhej ta rikthenim rezultatin. E menaxhuam shumicën e lojës. Reali është njëri prej ekipeve më të mira në Evropë. Ta jep ndjenjën që mund të fitojë gjithmonë dhe për këtë ka më shumë vlerë fitorja”, vazhdoi ai.

Martino e lavdëroi Lionel Messin, ndërsa sa u përket penalltivë thotë se nuk i pa mirë.

Barcelona u ngrit në kuotën e 69 pikëve, vetëm një më pak se kryesuesit Atletico Madrid dhe Real Madrid, që kanë nga 70.