Martinez motivon bashkëlojtarët dhe tifozët: Sot fillon një kampionat i ri, duhet të jemi të bashkuar
Sot nis edicioni i ri 2021/22 në Serie A.
Sport
Interi e nis misionin e mbrojtjes së titullit përball Genoas sot nga ora 18:30, shkruan lajmi.net.
‘Nerazzurët’ hyjnë në këtë edicion me shumë ndryshime në ekip, dhe shumë analist janë skeptikë nëse kampionët e Italisë kanë forcë ta mbrojnë titullin e fituar vitin e kaluar me Romelu Lukakun dhe Achraf Hakimin në ekip.
Megjithatë duket se në ekip po mbretëron një atmosferë e mirë, është Lautaro Martinez ai që përmes një mesazhi të shkruar në rrjetin social Instagram ka nxitur edhe më shumë motivimin te bashkëlojtarët dhe tifozët zikaltër.
View this post on Instagram
“Vitin e kaluar përpara se të fillonte kampionati ne ëndërronim ta mbyllnim kështu si në foto, ta ngrinim në qiell trofeun”.
“Me shumë punë, me shumë përulësi, me shumë momente të djersës, e mbi të gjitha me shumë përgjegjësi dhe dëshirë për të fituar, ja dolëm”.
“Sot fillon një kampionat i ri, sot nis një rrugë tjetër ku të gjithë duhet të jemi të bashkuar, ne lojtarët, stafi, tifozët, dhe të gjithë njerëzit që punojnë përreth nesh për një objektiv të vetëm: Të mbetem si Inter sa më lart të jetë e mund. Forza Inter”, shkroi Lautaro Martinez në Instagram. /Lajmi.net/