Manchester United ka paralajmëruar Real Madridin se nuk do të kenë shans të transferojnë portierin David de Gea, nëse paraqesin ofertë me vlerë prej 18 milionë eurosh për spanjollin.

Taloidi britanik “The Sun”, ka bërë të ditur se “Red Devils” i kanë dërguar një mesazh klubit nga Santiago Bernabeu në lidhje me De Gean, objektiv i tyre gjatë afatit kalimtar të verës.

United e konsideron ofertën prej 18 milionë euro si shumë të vogël dhe do të refuzojnë të hyjnë në negociata në kushte të tilla.

De Gea ka kontratë në Old Trafford deri në verën e vitit 2016.