Isco ka shkëlqyer së fundmi me Real Madridin. Por, ky lajm i mirë me vete e ka edhe një të keq për tifozët e Los Blancos.

Mesfushori spanjoll mund të largohet nga klubi gjatë afatit kalimtar të janarit, raporton “Fichajes”.

Edhe pse në javët e fundit Isco e ka shfrytëzuar maksimalisht mungesën e Gareth Bale për shkak të lëndimit duke shkëlqyer me paraqitjet e tij përfshirë atë në fitoren në El Clasico kundër Barcelonës, Manchester City dhe Liverpool kanë intensifikuar përpjekjet për transferimin e tij në Premierligë.

Isco ka nevojë për një skuadër ku mund të luajë vazhdimisht dhe këtë garanci nuk mund ta gjejë në Santiago Bernabeu.