Ambasadori i Shqipërisë në Kosovë, Petrit Malaj, është takuar me të Ngarkuarën me Punë të SHBA-së, Anu Prattipati.

Përmes një postimi në llogarinë e tij në Facebook, Malaj, ka thënë se në këtë takim u diskutua për marrëdhëniet me dy vendeve si dh zhvillimet politike në Kosovë.

Tutje ai tha se të dy palët shprehën vullnetin për vazhdimin e bashkëpunimit të frytshëm mes dy ambasadave për përmbushjen e angazhimeve të përbashkëta.

“Ishte kenaqësi e veçantë takimi me të Ngarkuarën me Punë të SHBA-së në Kosovë znj.Anu Prattipati. Zhvilluam një bisedë mjaft konstruktive dhe miqësore, me fokus marrëdhëniet mes dy vendeve tona, zhvillimet politike në Kosovë, e tashmja dhe e ardhmja e dialogut Kosovë-Serbi të lehtësuar nga BE për normalizimin e marrëdhënieve mes dy vendeve. Të dy palët shprehëm vullnetin për vazhdimin e bashkëpunimit të frytshëm mes dy ambasadave tona për përmbushjen e angazhimeve të përbashkëta”, ka shkruar Malaj. /Lajmi.net/