Xhudistja dhe krenaria jonë, Majlinda Kelmendi edhe zyrtarisht është shpallur më e mira e Evropës gjatë një ceremonie në Baku të Azerbejxhanit.

Ajo këtë çmim e mori pas paraqitjeve të saj të jashtëzakonshme në Kampionatin Evropian dhe Botëror, ku në të dy garat e fitoi medaljen e artë.

“Foto me xhudisten më të mirë të Evropës,shpallur zyrtarisht sonte në Baku. Në Ceremoni ishin prezent edhe kryetari i KOK Besim Hasani, kryetari i Federatës se xhudos Agron Kuka, kryetari i nderit i Federatës se Xhudos së Kosovës Memli Krasniqi si dhe gazetari dhe miku ynë Gani Kosumi”, shkruan trajneri Driton Kuka në Facebook.