Luciano Spalletti ndoqi Massimiliano Allegrin në rrugën e tij drejt tunelit për t’i shtrënguar duart pas fitores 5-1 të Napolit në ‘Stadio Maradona’.

Allegri nuk ishte në disponim për të përshëndetur kundërshtarin e tij pasi pësoi një nga humbjet më poshtëruese në karrierën e tij dhe në historinë e Juventusit.

Megjithatë, Spalletti e ndoqi pas fishkëllimës së fundit, ndërsa shefi i ‘Bianconerëve’ ishte rrugës për në tunel.

Allegri u ndal dhe i shtrëngoi dorën kundërshtarit të tij përpara se të hynte në tunelin në ‘Stadio Maradona’.

Spalletti tha para ndeshjes se Allegri ‘ka problem’ me të, ndërsa dy trajnerët talleshin me njëri-tjetrin në prag të përballjes.

Më poshtë e gjeni momentin e përshëndetjes së dy trajnerëve:

Allegri no quería ni verlo a Spalletti ?pic.twitter.com/iEAUaM2u9m

— Bolavip (@bolavipcom) January 13, 2023