‘Bavarezët’ kanë shënuar një fitore me rezultat të thellë 5-0 ndaj skuadrës së Herthas.

Protagonisti kryesor edhe këtë herë ishte i zakonshmi, Robert Lewandowski i cili realizoi hat-trick (35′ 70′ 84′), gjersa dy golat e tjerë u shënuan nga Thomas Muller, dhe një tjetër nga i talentuari Jamal Musiala.

Lewandowski me këtë hat-trick shënoi golin e tij të 299-të, 300-të, dhe 301-të me klubin bavarez, duke e bërë këtë në vetëm 333 paraqitje në të gjitha kompeticionet, duke i shtuar edhe 65 asistime gjatë këtij procesi.

Përveç kësaj, Lewa është në një seri prej 13 ndeshjeve radhazi duke shënuar gol në Bundesliga, që është vetëm tre ndeshje larg nga rekordi i Gerd Muller i cili e mban me 16 ndeshje radhazi duke shënuar së paku një gol në Bundesliga. /Lajmi.net