Policia e Kosovës ka arrestuar sot një shtetas me inicialet R.R. (1986) pasi kishte kanosur policinë e cila po asistonte zyrtarët e KEDS-it në vendosjen e njehsorëve të energjisë elektrike në lagjen Kroi i Vitakut në Mitrovicë.

Një zyrtar policor ka pranuar tretmanin mjekësor pasi ishte goditur me mjet të fortë.

Mbi dyshime të bazuara dhe të arsyeshme njësitë policore kanë kryer bastisje në shtëpinë e personit ku kanë gjetur një sasi të konsiderueshme të mjeteve për prodhimin e kriptovalutave, të cilat janë sekuestruar dhe janë dërguar në terminalin doganor.

Të gjitha veprimet e ndërmarra i janë paraqitur prokurorit të rastit, ku pas intervistimit, me aktvendim të prokurorit i dyshuari dërgohet ne mbajtje për 48 orë.