Luka Modriq pothuajse me siguri nuk do të luajë në finalen e Kupës së Mbretit spanjoll për Real Madridin, shkruan gazeta spanjolle “Marca”, transmeton lajmi.net.

Kapiteni i kombëtares kroate u dëmtua në ndeshjen e fundit ndaj Gironas dhe u largua nga loja.

Nga ekzaminimet rezultoi se bëhej fjalë për një dëmtim të muskulit të ijeve në këmbën e majtë.

“Marca” thekson se me siguri do të mungojë në ndeshjet e ligës kundër Almerias dhe Real Sociedad, por edhe se e ka thuajse të pamundur të luajë kundër Osasuna-s në finalen e Kupës së Mbretit, e cila është caktuar për 6 maj në orën 22:00.

Modriq nuk ishte në stërvitje me pjesën tjetër të shokëve të tij për dy ditë rresht.

Lajmi i mirë për Carlo Ancelottin është se portieri Thibaut Courtois është rikthyer, ndërsa Ferland Mendy dhe David Alaba vazhdojnë të rikuperohen.

Real Madridi thuajse humbi gjasat për titull në La Liga, por mbeti në lojë për dy trofe të mëdhenj.

Ata janë favorit të mëdhenj kundër Osasunas në finalen e Kupës së Mbretit. Në Ligën e Kampionëve e presin dy ndeshje kundër Manchester Cityt në gjysmëfinale./Lajmi.net/