Lekaj: Qytetarët po përballen me mungesa të energjisë elektrike, qeveri e dështuar e të paaftë
Deputeti i AAK-së, Pal Lekaj ka reaguar pasi në disa qytete e fshatra të Kosovës ka mungesë të energjisë elektrike. Lekaj përmes një postimi në Facebook ka shkruar se mungesa e energjisë elektrike në vend është e papranueshme. “Qytetarët po përballen me mungesa të energjisë elektrike edhe në këto orë të vona, një situatë e…
Lajme
Deputeti i AAK-së, Pal Lekaj ka reaguar pasi në disa qytete e fshatra të Kosovës ka mungesë të energjisë elektrike.
Lekaj përmes një postimi në Facebook ka shkruar se mungesa e energjisë elektrike në vend është e papranueshme.
“Qytetarët po përballen me mungesa të energjisë elektrike edhe në këto orë të vona, një situatë e papranueshme për një vend që pretendon të jetë duke bërë reforma në sektorin energjetik. Qeveri, ku mbeti premtimi juaj për furnizim të qëndrueshëm me energji? Pse qytetarët po përballen me ndërprerje në momentet më kritike?” ka shkruar Lekaj
Tutje Lekaj është shprehur se qeveria aktuale ka dështuar së përmbushuri premtimet për furnizim të qëndrueshëm me energji.
“Keni dështuar të përmbushni premtimet tuaja dhe tashmë keni bërë vendin hor në sytë e qytetarëve tuaj. Kur energjia është baza e çdo aktiviteti jetësor, kjo neglizhencë është një tregues i qartë i paaftësisë tuaj për të menaxhuar sektorin energjetik. Çfarë justifikimi do të keni këtë herë?”
