Lautaro Martinez nuk e ka ndërmend të largohet nga skuadra e Interit.

Lojtari dëshiron t’i qëndrojë besnik “Zikaltërve”, përkundër që ofertat në drejtim të tij nuk mungojnë.

Futbollisti, dëshirën për qëndrim në “Giuseppe Meazza” ia ka konfirmuar drejtuesve, anipse ende nuk ka ndonjë vazhdim kontrate në tavolinë, transmeton lajmi.net.

Argjentinasi do të jetë në dyshim për ndeshjen ndaj Napolit, që luhet në fillim të muajit janar.

Gjithsesi, ai vetë paralajmëroi se do të “luftojë me kohën” për të qenë gati në një përballje kaq të rëndësishme, duke u bërë me dije bashkëlojtarëve që të llogarisin në të. /Lajmi.net/