Secila femër ëndërron të ketë stomak të sheshtë, posaçërisht gjatë verës kur duhet të shëtitë në plazh në rroba banje. Mirëpo shumicës nuk i shkon për dore, transmeton Telegrafi.

Nëse nuk e keni shprehi që rregullisht të djersiteni nëpër stërvitje apo nuk keni kohë për ushtrime, me siguri e keni të vështirë të arrini qëllimin, aq më parë nëse jeni adhuruese e madhe e ushqimit.

Mirëpo sekreti është në një ushtrim të cilin mund ta bëni kurdoherë dhe kudo qoftë – derisa jeni duke qëndruar ulur, në këmbë apo madje derisa jeni të shtrira në shtrat. Rezultatet janë më shumë se të kënaqshme.

Vakuumi i barkut

• Tërhiqeni barkun brenda, madje në atë mënyrë sikur dëshironi t’i mbërtheni pullat në xhinset e ngushta.
• Me atë rast kujdesuni që të tendosni muskulaturën e stomakut.
• Tendosni gjithë muskulaturën e stomakut aq fort si kur stërvitni shkathtësitë luftarake dhe si kur prisni goditje në atë zonë.
• Nëse nuk i bëni me rregull ushtrimet e stomakut, nuk bën t’i injoroni ushtrimet e muskujve.

Tërheqja e stomakut aktivizon ata muskuj dhe butësisht i stërvit. Efekti pozitiv anësor është që njëkohësisht stërvitni pjesën e poshtme të shpinës dhe kështu shmangni dhembjet në atë pjesë.

Krahas kësaj, kushtoni kujdes që të ushqeheni shëndetshëm dhe të lëvizni rregullisht.