Lampard: Nuk kam nevoj për transferime, do kemi sukses
Trajneri i Chelseat, Frank Lampard këmbëngul se ai mund të sjellë sukses në 'Stamford Bridge' këtë sezon përkundër ndalimit për transferime.
Sport
‘Blutë’ janë ndaluar të transferojnë lojtarë për dy dritare të njëpasnjëshme të transferimit, pasi FIFA i ka gjetur ata fajtorë për shkelje të rregullave që kanë të bëjnë me nënshkrimin e lojtarëve nën moshën 18 vjet.
Gjithsesi, ish-mesfushori i Chelseat beson se ka ekipin e duhur për të fituar trofe edicionin e ardhshëm, përcjell lajmi.net.
“Unë kam përcjellur shumë ndeshjet e Chelseat vitin e kaluar nën Maurizio Sarrin”, tha ai përpara ndeshjes para-sezonale të Chelseat me Kawasaki Frontale në Yokohama.
‘’Për mënyrën se si përfundoi sezoni mund të quhet një sukses’’.
‘’E njoh klubin shumë mirë, i njoh lojtarët gjithashtu. Kam rrugën time se si dua të bëj punën dhe jam i lumtur me kualitetet e lojtarëve që posedoj’’.
‘’Unë kam besim se do kemi sukses me këtë grup’’, deklaroi anglezi. /Lajmi.net/