Labinot Rexha vazhdon të ngcamojë Edin me Elijonën: Erdha me nda ‘vaden’ për dasmë

Lajme

22/08/2026 10:10

Labinot Rexha ka vazhduar me postimet e tij në rrjetet sociale, duke ngacmuar publikun për një lidhje të mundshme mes dy ish-banorëve të Big Brother VIP Kosova, Edit dhe Elijonës.

Ditët e fundit, Labi ka bërë disa postime ku ka përmendur Elijonën në raport me Edin, duke i cilësuar fillimisht si një çift që do t’i pëlqente ta shihte së bashku. Por ai nuk është ndalur me kaq.

Në një tjetër InstaStory, Labinoti ka publikuar një fotografi krah Edit, ndërsa krahas saj ka shkruar me humor: “Erdha me nda vaden për dasëm, nëse bëhet Elijona”, duke e etiketuar edhe ish-banorën e BBVK-së.

Megjithatë, deri tani nuk ka asnjë indikacion se mes Edit dhe Elijonës ka nisur një lidhje apo ndonjë raport romantik. Asnjëri prej tyre nuk ka deklaruar se mes tyre ekziston diçka më shumë se miqësi, ndërsa postimet e Labit duket se janë më shumë pjesë e stilit të tij të zakonshëm të ngacmimit dhe humorit në rrjetet sociale.

Në anën tjetër, pikërisht ditët e fundit, Elijona dhe Klodi kanë reaguar ndaj pikëpyetjeve që janë ngritur rreth marrëdhënies së tyre, duke kërkuar që disa ditë distancë të mos shndërrohen menjëherë në teori për një ndarje apo zhvillime të reja.

Kështu, për momentin, “romanca” mes Edit dhe Elijonës mbetet vetëm një ide e hedhur në rrjetet sociale nga Labinot Rexha.

Duket se Labi, në stilin e tij karakteristik, po vazhdon ta mbajë gjallë këtë histori me postime që synojnë më shumë të ngacmojnë kuriozitetin e publikut dhe të krijojnë humor, sesa të zbulojnë ndonjë zhvillim real mes dy ish-banorëve.